Қоидаҳои истифодаи Хадамоти Авиасейлс

Таҳрири нав аз 01 августи соли 2022

Пеш аз истифода, лутфан бо қоидаҳои Хадамоти Авиасейлс шинос шавед. Далели истифодаи Хадамот бо ҳар роҳе, ки бошад, ҳамчун аксепт, яъне розигии пурра ва бечунучарои Корбар барои истифодаи Хадамот бо шартҳои муқарраршуда эътироф карда мешавад.

1. Муқаррароти умумӣ

1.1. Қоидаҳои мазкур (минбаъд «Қоидаҳо») шартҳои истифодаи Хадамоти Авиасейлсро муайян мекунанд, ки ҳуқуқи он ба Ширкати Go Travel Un Limited тааллуқ дорад ва ҳамчун шахси ҳуқуқӣ тибқи қонунгузории Ноҳияи махсуси маъмурии Ҳонконг 18.08.2011 ба қайд гирифта шудааст, шаҳодатномаи бақайдгирӣ №58937560, дафтари бақайдгирифташуда: 31/F, Tower Two, Times Square, 1 Matheson Street, Causeway Bay, Hong Kong (минбаъд «Соҳибмулк»).

1.2. Зери Хадамоти ҷустуҷӯи чиптаҳои ҳавопаймоии Авиасейлс (минбаъд «Хадамот») бо мақсади Қоидаҳои мазкур, маҳсулоти барномавии бисёрҷиҳатае фаҳмида мешавад, ки дастрас аст дар сомонаи интернетӣ дар суроғаи https://www.aviasales.tj ва дигар доменҳои он, ки барои таъмини Корбарон тавассути воситаҳои интерфейси корбар, аз ҷумла имкониятҳои зерин пешбинӣ шудаанд:

ҷустуҷӯ ва дастрас кардани маълумот дар асоси дархостҳо тавассути интерфейси ҷустуҷӯӣ оид ба чиптаҳои ҳавопаймоӣ ва дигар хадамот барои сайёҳон, ки аз ҷониби шахсони сеюм — ширкатҳои ҳавопаймоӣ, агентиҳо, системаҳои бандкунӣ, меҳмонхонаҳо, агрегаторҳо ва ғайра (минбаъд «таъминкунандагон») пешниҳод карда мешаванд. Таъминкунандагони алоҳида имкониятҳои Хадамотро инчунин метавонанд бо мақсади осон кардани (автоматикунонии) раванди хариди (бандкунии) хидматрасониҳои дахлдор аз чунин таъминкунандагон истифода намоянд;
пайгирӣ ва гирифтани маълумоти оморӣ дар бораи арзиши чиптаҳои ҳавопаймоӣ ба самтҳои додашуда, дигар маълумоти пешниҳодкардаи Соҳибмулк барои сайёҳон ва маълумоти таблиғотии шахсони сеюм тавассути шабакаҳои электронии алоқа, аз ҷумла почтаи электронӣ ва паёмрасонҳо;
шахсисозии имкониятҳои вазифавии Хадамот пас аз авторизатсия дар он. Масалан, захира кардани маълумоти аз ҷониби Корбар нишондодашуда, ҳуҷҷатҳои лозим барои бронкунӣ аз таъминкунандагон, танзимоти унсурҳои алоҳидаи барномавии Хадамот барои худ, пайваст кардани маҳсулот ва хизматрасониҳои иловагии Хадамот, аз ҷумла ба таври пулакӣ;
барои шиносшавӣ гирифтани маводи иттилоотӣ ва маълумоти дигар дар бораи сафар, ки бевосита дар Хадамот ва шабакаҳои иҷтимоии Соҳибмулк дастрасанд, ба монанди роҳнамоҳо, маҷмуи мавзеъҳо;
иштирок дар аксияҳо ва озмунҳое, ки Соҳибмулк ва/ё шарикони он ташкил кардаанд;
гирифтани машварат оид ба масъалаҳои марбут ба истифодаи Хадамот ва дар сурати мавҷуд будани имконият, оид ба хизматрасониҳои аз ҷониби таъминкунандагон пешниҳодшаванда ҳангоми муроҷиати мустақими Корбар ба хадамоти дастгирии корбарон тавассути ҳама гуна шабакаҳои электронии алоқа, ки барои иртибот дастрасанд;

1.3. Муносибатҳо оид ба истифодаи қисмҳо ва имкониятҳои алоҳидаи Хадамот ба ҷуз Қоидаҳои мазкур метавонанд ба таври иловагӣ бо қоидаҳо ва шартҳои махсус, ки дар саҳифаҳои дахлдори интерфейси корбар дар шакли ҳуҷҷатҳо, тавсифҳо, дастурҳо ҷойгир карда мешаванд, ҳал карда шаванд. Дар ҳамаи ҳолатҳое, ки тавассути шартҳо ва қоидаҳои махсуси дахлдор ҳал карда нашудаанд, муносибатҳо оид ба истифодаи Хадамот, аз ҷумла истифодаи қисмҳо ва имкониятҳои алоҳидаи он, бо Қоидаҳои мазкур танзим карда мешаванд.

1.4. Корбар розигӣ медиҳад, ки истифодаи Хадамот, инчунин ҳама гуна қисмҳо ё имкониятҳои он бо ҳар роҳи мумкин, далели шиносоии Корбар бо Қоидаҳо, инчунин бо қоидаҳо ва шартҳои махсус, тибқи банди 1.3., дар назар гирифта мешавад (дар ҳолати истифодаи қисмҳо ё имкониятҳои дахлдори Хадамот, ки чунин қоидаҳо ва шартҳои махсусро дар бар мегиранд) ва маънои онро дорад, ки онҳо бе чуну чаро қабул карда мешаванд. Агар Корбар шартҳои зикршударо қабул накунад, ӯ бояд аз истифодаи Хадамот худдорӣ намояд.

1.5. Ба Қоидаҳо ва ҳама гуна муносибатҳои марбут ба истифодаи Хадамот ҳуқуқи Федератсияи Россия татбиқ карда мешавад. Ҳама гуна эътирозҳо ё даъвоҳое, ки аз Қоидаҳои мазкур ва/ё истифодаи Хадамот бармеоянд, бояд тибқи қонунгузории амалкунандаи Федератсияи Россия пешниҳод ва баррасӣ карда шаванд.

1.6. Агар бо ягон сабаб як ё якчанд муқаррароти Қоидаҳо беэътибор ё қувваи ҳуқуқӣ надошта дониста шаванд, ин ба воқеият ё татбиқи муқаррароти боқимондаи Қоидаҳо таъсир намерасонад.

1.7. Қисми ҷудонашавандаи Қоидаҳо, аз ҷумла, Созишномаи коркарди маълумоти шахсии Корбарон мебошад.

2. Истифодаи Хадамот

2.1. Соҳибмулки хадамот ба Корбар бо шартҳои иҷозатномаи оддӣ (ғайриистисноӣ) ба таври ройгон ҳуқуқи истифодаи Хадамот дар тамоми кишварҳои ҷаҳонро бо мақсади мустақими функсионалии он ва махсусан барои татбиқи имкониятҳои Хадамот, ки Соҳибмулк пешбинӣ намудааст ва дарёфт кардани хизматрасониҳои Соҳибмулк, ки тавассути Хадамот дастрас аст, медиҳад.

2.2. Ҳамкорӣ бо Хадамот, аз ҷумла танзими дархостҳои Корбар барои ҷустуҷӯи хизматрасониҳо барои сайёҳон, метавонад танҳо бо василаҳои интерфейси Хадамот, ки ба Корбарон тариқи барномаҳо ва дастгоҳҳои авторизатсияшуда пешниҳод мегардад, амалӣ карда шавад.

Тариқи василаҳои Хадамот ба Корбар имконият дода мешавад, ки бо пешниҳодҳои таъминкунандагон оид ба самтҳо (мавзеъҳо) ва санаҳои додашуда шинос шавад ва инчунин барои гузаштан ба сомонаҳои онҳо барои бандкунӣ истинод гирад. Дар баъзе ҳолатҳо, бо василаҳои барномавии Хадамот ба Корбар имконият дода мешавад, ки маълумоти заруриро барои хариди чиптаҳои ҳавопаймоӣ бевосита дар Хадамот пур кунад ва онро ба шахси сеюме, ки фурӯшандаи чиптаҳои ҳавопаймоист, бо мақсади бандкунӣ фиристад.

Истинодҳое, ки тавассути Хадамот ба ҳама гуна сомонаҳои шахси сеюм, маҳсулот, хизматрасонӣ ва ҳар навъ маълумоти дорои хусусияти тиҷоратӣ ё ғайритиҷоратӣ дода мешавад, аз ҷумла пешниҳоди имкониятҳои Хадамот дар бораи аз тарафи Корбар пур кардани маълумоти зарурӣ барои харидории хизматрасониҳо ва ба хотири бандкунӣ фиристодани онҳо ба шахси сеюм, ки чиптаҳои ҳавопаймоӣ мефурӯшад, тасдиқ ё тавсияи ин маҳсулот (хизматрасониҳо, фаъолият, ашхос) аз ҷониби Соҳибмулк нест ва инчунин, дар сурати набудани нишондоди бевосита, таблиғ маҳсуб намешавад.

2.3. Хариди (бақайдгирии) чиптаҳои ҳавопаймоӣ, дигар хизматрасониҳои махсуси сайёҳон ва пардохти онҳо дар сомонаҳои таъминкунандагоне, ки онҳоро барои фурӯш пешниҳод мекунанд, анҷом дода мешавад. Корбар фаҳмиши чунин ҳолатро тасдиқ мекунад, ки Соҳибмулки хадамот:

фурӯши чиптаҳои ҳавопаймоӣ, меҳмонхонаҳо, суғурта, дигар хизматрасониҳоро барои сайёҳон амалӣ намекунад ва байни Корбар ва шахси сеюме, ки хизматрасонии мушаххасро амалӣ мекунад, миёнрав нест;
дар ҳисоббаробаркуниҳои байни Корбар ва таъминкунанда иштирок намекунад, аз Корбар барои истифодаи имкониятҳои Хадамот, ки ба таври ройгон дастрас аст, ё анҷом додани ҳама гуна амалиёт дар робита бо хариди чиптаҳои ҳавопаймоӣ, меҳмонхонаҳо ва дигар хизматрасониҳои махсуси сайёҳон, ки тавассути Хадамот пайдо карда шудаанд, пул намегирад;
барои дурустии маълумот оид ба ҳама гуна хизматрасониҳое, ки таъминкунандагон барои фурӯш пешниҳод мекунанд, интиқоли пул, иҷрои шартномаҳои интиқол, пешниҳоди манзил ва ғайра кафолат намедиҳад ва масъулият надорад;
дастгирии Корбарро оид ба хизматрасониҳои тавассути Хадамот ба расмият даровардашуда таъмин намуда (пас аз гузаштан ба сомонаи таъминкунанда), ба даст омадани ягон натиҷа ё ҳалли мушкилоти мушаххаси Корбарро кафолат намедиҳад ва барои амалиёт, қарорҳои таъминкунандагон, тағйир додани танзими истифодашаванда ё амалиёт, қарорҳои ҳама гуна шахсони сеюми ба муносибатҳои Корбар ва таъминкунанда таъсиррасонанда, масъулият надорад;

Дар ҳар сурат, ҳангоми ба миён омадани ҳолатҳои баҳсбарангез оид ба хариди (бақайдгирии) чиптаҳои ҳавопаймоӣ, хизматрасониҳои дигари махсуси сайёҳон, Корбар ӯҳдадор мешавад, ки барои ҳалли онҳо бевосита ба шахсоне муроҷиат кунад, ки бо Корбар дар муносибатҳои марбут ба барасмиятдарории чунин хизматрасониҳо қарор доштанд.

2.4. Ҳангоми истифодаи Хадамот Корбар манъ карда мешавад аз:

дахолат намудан ба кори Хадамот бо роҳҳое, ки истифодаи онҳо метавонад боиси вайрон гардидани қобилияти кории он гардад, аз ҷумла ташкили дархостҳо на бо воситаи интерфейси Корбар;
барои ҳамкорӣ бо Хадамот аз ҳама гуна барномаҳои аз ҷониби Соҳибмулк ё барномаҳои дар қаламрави Корбар авторизатсиянашуда истифода бурдан;
тағйирот, такмил, тарҷума ба забонҳои дигар, декомпилятсия, ҷудокунӣ, рамзгузорӣ, эмулятсия, вайронсозии тамомият, барқарор кардани рамзи ибтидоии Хадамот ё ягон қисми онро амалӣ намудан;
Хадамотро барои мақсадҳои ғайриқонунӣ истифода бурдан;

2.5. Соҳибмулки Хадамот ҳуқуқ дорад, ки ҳар вақт мувофиқи хоҳиши худ коромадии Хадамотро қатъ кунад, вазифаҳо, интерфейси корбар ва дигар хусусиятҳои онро тағйир диҳад ва инчунин истифода аз Хадамотро манъ намояд.

2.6. Пас аз обуна шудан ба муросилот ва то бекор кардани он бо усулҳои дар Хадамот мавҷуди даст кашидан аз он, ба Корбар имконият дода мешавад, ки тавассути шабакаҳои электронии алоқа дарёфт кунад:

хабарҳо дар бораи тағйирёбии нархҳо барои санаҳо ва самти парвозҳо, хизматрасониҳои дигар, ки Корбар ба онҳо таваҷҷуҳ дорад;
паёмҳои хабарӣ ва таблиғотӣ аз Авиасейлс, аз ҷумла бо маълумоти таблиғотӣ аз ҳамкорони Хадамот (таблиғотдиҳандагони беруна);

2.7. Тариқи василаҳои Хадамот ба Корбар имконият дода мешавад, ки функсияҳо ва интерфейси Хадамотро мувофиқи эҳтиёҷоти худ танзим кунад, ба имкониятҳои пулакӣ ва маҳсулоти Соҳибмулк ва/ё ҳамкорони Хадамот дастрасӣ пайдо намояд. Корбар розӣ мешавад, ки далели авторизатсияи Корбар дар Хадамот ва истифодаи аккаунти ба Корбар додашуда ҳамчун розигии Корбар барои коркарди маълумоти аккаунт ба хотири татбиқи имкониятҳои Хадамоте, ки Соҳибмулк пешбинӣ намудааст ва пешниҳоди хизматрасониҳои Соҳибмулк ва таъминкунандагоне, ки тавассути Хадамот дастрасанд, арзёбӣ карда шавад.

2.8. Ҳангоми тамос бо хадамоти дастгирии истифодабарандагон, Корбар розӣ аст, ки суръати посухи дархост муайян карда нашудааст ва аз ҳаҷми дархостҳои воридшаванда вобаста аст. Истифодаи ҳама гуна маълумоте, ки дар ҷараёни машварат аз хадамоти дастгирӣ гирифта шудааст, аз ҷониби Корбар бидуни кафолат оид ба дурустии маълумоти пешниҳодшуда дар вақти муайян, амалӣ карда мешавад. Ҳама гуна маълумоти шахсӣ, ки аз Корбар дар робита ба муроҷиати ӯ гирифта шудааст, аз ҷониби Соҳибмулк танҳо ба манфиати Корбар метавонад истифода бурда шавад.

3. Масъулият

3.1. Хадамот, қисмҳои он ва ҳама гуна имкониятҳояш бо шартҳои «чунон ки ҳаст» (as is) пешниҳод карда мешавад. Соҳибмулки хадамот дар робита ба кори бехато ва бефосилаи Хадамот, қисмҳои алоҳидаи он, ҷузъҳо, имкониятҳо, воситаҳо ё функсияҳои татбиқшаванда, мувофиқати функсионалии Хадамот ба ҳадафҳо ва интизориҳои мушаххаси Корбар ягон хел кафолат намедиҳад, эътимоднокӣ, дақиқӣ, пуррагӣ ва саривақт будани маълумоти пешниҳодкардаи Хадамотро кафолат намедиҳад ва инчунин, ягон кафолати дигареро, ки дар Қоидаҳои мазкур, қоидаҳо ва шартҳои махсус мустақиман зикр нашудаанд, таъмин намекунад.

3.2. Соҳибмулки хадамот бо назардошти маҳдудиятҳои дар қонун муқарраршуда масъулият надорад барои:

оқибатҳои мустақим ё ғайримустақими ҳар навъи истифодабарӣ ё имконнопазирии истифодабарии Хадамот (аз ҷумла, маълумот) ва/ё зарари ба Корбар ва/ё шахсони сеюм дар натиҷаи ҳар навъи истифодабарӣ воридгардида;
истифода набурдан ё номумкин будани истифодабарии Хадамот (аз ҷумла, маълумот) ё ҷузъҳо ва/ё хусусиятҳои алоҳидаи он, аз ҷумла, аз сабаби хатогиҳо ё садамаҳои имконпазир дар кори Хадамот;
ҳама гуна маълумот, таблиғот, мавод ва муҳтавое, ки дар манбаъҳои таъминкунандагон ва шахсони сеюм ҷойгир карда мешаванд ва дар манбаъҳое, ки Корбар ҳангоми истифодаи имкониятҳои Хадамот метавонад ба онҳо равона карда шавад;

3.3. Корбар ӯҳдадор мешавад, ки Хадамотро тибқи қонунҳои кишваре, ки дар он ҷойгир аст, истифода барад ва масъулияти вайрон кардани маҳдудиятҳои муқаррарнамудаи қонунгузории миллиро дар истифодаи Хадамот ба дӯш мегирад.

3.4. Корбар мустақилона дар назди шахсони сеюм масъул аст барои амалҳои марбут ба истифодаи Хадамот, аз ҷумла, агар чунин амалҳо боиси вайрон кардани ҳуқуқ ва манфиатҳои қонунии шахсони сеюм гардад, инчунин, барои риояи қонунгузории татбиқшаванда ҳангоми истифодаи Хадамот.

3.5. Дар сурати ба миён омадани ҳама гуна ҳолатҳои баҳсбарангези марбут ба Қоидаҳои мазкур, Корбар пеш аз муроҷиат ба мақомоти судӣ бо мақсади ҳалли баҳс, вазифадор аст, ки барои ҳалли пеш аз судӣ бо фиристодани номаи дахлдор бо шарҳи возеҳи вазъи баҳсбарангез ва ҳолатҳои марбут ба он ба суроғаи Соҳибмулки хадамот ва инчунин, фиристодани нусхаи электронии он ба суроғаи help@aviasales.tj чораҳо андешад. Мӯҳлати баррасӣ ва посух додан ба даъво: 30 рӯз аз лаҳзаи гирифтани он аз ҷониби Соҳибмулки хадамот.

4. Ҳуқуқ ба Хадамот

4.1. Ҳуқуқ ба моликияти зеҳнӣ, аз ҷумла натиҷаҳои фаъолияти зеҳнӣ, ки ба таркиби Хадамот дохил карда шудаанд ва/ё аз ҷониби он истифода мешаванд, ба монанди матнҳо, тасвирҳо, тарроҳӣ, муҳтавои дигар, хазинаи маълумот, ноу-хау, тамғаҳои молӣ, номҳои фирмавӣ ва дигар воситаҳои мушаххаскунӣ ва ғайра, инчунин номҳои доменҳо, ба Соҳибмулки хадамот ё шахсони сеюм – соҳибҳуқуқони онҳо тааллуқ доранд ва ба Соҳибмулк мувофиқи иҷозатнома дода шудаанд ё бо супориши соҳибҳуқуқонашон аз ҷониби Соҳибмулк ҷойгир карда мешаванд.

4.2. Объектҳои моликияти зеҳнӣ, ки ҳуқуқи истисноии онҳо ба Соҳибмулки хадамот тааллуқ надоранд, аз ҷониби Соҳибмулк танҳо бо мақсади ба корбарон расонидани маълумот дар бораи ширкати ҳавопаймоии мушаххас, агентӣ, системаи бандкунӣ, дигар таъминкунандагоне, ки маълумот дар бораи хизматрасониҳои онҳо дар Хадамот дастрас аст, интишор карда мешаванд.

4.3. Истифодаи дар банди 4.1. нишондодашудаи объектҳои моликияти зеҳнӣ танҳо дар доираи имкониятҳои функсионалии пешниҳодсозандаи Хадамот имконпазир мебошанд. Корбар розӣ аст, ки истифодаи Хадамот ба ӯ нисбати объектҳои зикршудаи моликияти зеҳнӣ ягон ҳуқуқ намедиҳад, ба истиснои ҳуқуқҳое, ки дар Қоидаҳо, қоидаҳо ва шартҳои махсус ба таври возеҳ зикр шудаанд.

5. Тағйир додани Қоидаҳо

5.1. Соҳибмулки хадамот ҳуқуқ дорад, ки Қоидаҳои мазкурро дар вақти дилхоҳ ва бидуни огоҳии пешакӣ бо тартиби яктарафа тағйир диҳад. Огоҳии Корбар дар бораи тағйирот ба шартҳои Қоидаҳо ва таҳрири ҷории онҳо дар ин саҳифа нашр карда мешавад: https://aviasales.tj/terms-of-use.

5.2. Тағйироти Қоидаҳо аз рӯзи нашри онҳо эътибор пайдо мекунад, агар дар нашрияи дахлдор тартиби дигаре пешбинӣ нашуда бошад.